लक्ष्य भन्दा बढी राजस्व

वीरगन्ज भन्सारले चालू आर्थिक वर्षमा लक्ष्यभन्दा ४ प्रतिशत बढी राजस्व संकलन गरेको छ। भन्सार प्रमुख लावण्य ढकालका अनुसार चालू आर्थिक वर्षको बुधबारसम्म ४४ अर्ब संकलन गरेको हो । भन्सारले ४२ अर्ब ५० करोड रुपैयाँ संकलन गर्ने लक्ष्य थियो । 

गत आर्थिक वर्ष भन्सारले ३३ अर्ब रुपैयाँ राजस्व संकलन गरेको थियो । यसपालिको राजस्व गत वर्षको तुलनामा ३३ प्रतिशत बढी हो । चालू आर्थिक वर्षका लागि सुरुमा ३८ अर्ब ४६ करोडको संकलन लक्ष्य पाएकामा पछि फेरि थपिएको थियो । यो भन्सारले मुलुककै कुल भन्सार राजस्वको झन्डै ६० प्रतिशत अंश संकलन गर्छ । कोलकाता बन्दरगाहसँगको छोटो दूरी भएकाले यो नाकाबाट मुलुकका अधिकांश आयातकर्ताले सबै खाले वस्तुको आयात बढी गर्छन्।