प्रथम वार्षिक साधारण सभा सम्बन्धी सुचना

अल्पाइन डेभलप्मेन्ट बैंकको साधारण शेयर बाँडफाँड सम्बन्धि सुचना

महिलाको नाममा जग्गाको स्वामित्व बढ्दो

महिलाको नाममा जग्गा पास गर्दा २५ प्रतिशत राजस्व छुट दिने सरकारले नीति ल्याएपछि दाङमा महिलाहरूको नाममा जग्गा पास गराउनेको सङ्ख्यामा बृद्धि भएको जिल्ला मालपोत कार्यालय, दाङले जनाएको छ ।

 मालपोत कार्यालय, दाङका प्रमुख भरतकुमार बुढाथोकीका अनुसार चालु आर्थिक वर्षको हालसम्ममा जिल्लाका करिब आठ हजार महिलाले सो सुविधा लिएका छन् । प्रमुख बुढाथोकीका अनुसार सात हजार ८३८ जना महिलाले यो सुविधा लिई रु एक करोड ३३ लाख ७८ हजार ६७९ राजस्व छुट पाएका छन् ।

यसरी छुट पाउनेमा चारहजार १८ जना यहाँका ग्रामीणस्तरका महिला छन् भने तीनहजार ८२५ जना सहरी क्षेत्रका महिला रहेको जनाइएको छ । सहरी क्षेत्रका आठहजार १७७ जना महिलाले रु ९८ लाख २५ हजार ६९९ छुट पाएका छन् ।

सुनको मूल्यमा गिरावट

 अन्तर्राष्ट्रिय बजारलाई पछ्याउँदै यस साताको सुरुमा उच्च दरमा कारोबार भएको सुनको मूल्य शुक्रबार उच्च दरले घटेको छ । यस साता पटकपटक उच्च मूल्यमा कारोबार भएपछि शुक्रबार तोलामा करिब ८ सय रुपैयाँ घटेर कारोबार भयो ।

अमेरिकी डलरको दाँजोमा युरो मजबुद भएको र तेलको मूल्यमा गिरावट आएकाले साताको अन्तमा सुनको मूल्य ओरालो लागेको हो ।

नेपाल सुनचाँदी व्यवसायी संघका अनुसार आइतबार प्रतितोला सुनको मूल्य ३६ हजार २ सय (दस ग्राममा  ३१ हजार ३५)  रुपैयाँ कायम भयो । शुक्रबार घटेर तोलामा ३५ हजार ४ सय (दस ग्राममा ३० हजार ३ सय ५०) रुपैयाँ कायम भएको छ । 'युरो मजबुद भएको र तेलको भाउमा सुधार आएकाले शुक्रबार उच्चदरले मूल्य घटेको हो,' संंघका अध्यक्ष शाक्यले भने ।

संंघका अनुसार स्थानी बजारमा सोमबार पनि आइतबारकै मूल्यमा सुनको कारोबार भयो । मंगलबार प्रतिदस ग्राम सुनको मूल्य ३० हजार ८ सय २० रुपैयाँ कायम भयो । बुधबार प्रतिदस ग्राम सुन ३० हजार ९ सय ७५ रुपैयाँ रहेकोमा बिहीबार फेरि बढेर ३१ हजार ३५ रुपैयाँ कायम भयो ।

 स्रोत:  http://www.ekantipur.com, २०६७ अषाढ२१, सोमबार 

टेलिकमको सेयरले घटायो नेप्से

काठमाडौ, अषाढ २१ - नेपाल दूरसञ्चार कम्पनीको सेयर मूल्य घटेपछि नेपाल स्टक एक्सचेन्ज परिसूचकमा नकारात्मक भएको छ । १७ रुपैयाँले घटेको कम्पनीको सेयरसँगै केही वाणिज्य बैंकका सेयर मूल्य तल झरेपछि नेप्से परिसूचक ६ दशमलव २२ अंकले घटेको हो । यो गिरावटपछि परिसूचक ४ सय ६४ दशमलव ६९ विन्दुमा पुगेको छ ।

समूहगत रूपमा अन्य समूह १९ दशमलव ९७ अंकले घटेको छ । वाणिज्य बैंक ६ दशमलव ४, वित्त २ दशमलव ५२ र विकास बैंक शूून्य दशमलव ३२ अंकले घटेका छन् । जलविद्युत् समूह भने ३० दशमलव ४३ अंकले बढेको छ । यसका साथै होटल र बिमा समूह पनि बढेका छन् ।

बैंकिङ सचेतताको कमी

नेपाल राष्ट्र वैंकका गर्भनर डा युवराज खतिवडाले नेपालमा वैंकिङ सचेतताको कमीका कारण  समस्या भएको बताउनुभएको छ।
डेभलपमेन्ट वैङकर्स एशोशिएशनद्धारा आज यहाँ आयोजित नेपालका वैंक तथा वित्तीय संस्थामा देखिएका जोखिमलाई न्यूनीकरण विषयक अन्तर्क्रियामा उहाँले वैंकिङ क्षेत्रमा लाग्नेहरूको धैर्यता नभएको बताउदै वैंक खोलेपछि तत्कालै नाफा आर्जन गर्न सकिन्छ भन्ने धारणालाई दिमागबाट  हटाउन सुझाव दिनुभयो।  

गर्भनर डा खतिवडाले वैकिङ क्षेत्रमा बढी भन्दा बढी घरजग्गामा कर्जा प्रवाह गरिरहेका कारण यसको जोखिम न्यूनीकरण  गर्न साहै्र गाह्रो परिरहेकोले यसतर्फ वैंक तथा वित्तीय संस्था सचेत हुनुपर्छ भन्नुभयो। 
उहाँले यस प्रकारको अन्तर्क्रियाले वैंकमा कर्जा प्रवाह, मौद्रिक तरलतालगायतका जोखिमलाई सजिलै वहन गर्न सक्ने क्षमता वृद्धि हुनेमा आशावादी रहेको बताउनुभयो।
सो कार्यक्रममा डेभलपमेन्ट वैंकर्स एसोशिएशनका अध्यक्ष झपडबहादुर बोहोराले नेपाल राष्ट्र वैंकले समय सापेक्ष अन्य वैंक तथा वित्तीय संस्थालाई पनि राहत दिनुपर्नेमा जोड दिनुभयो।

 स्रोत:  http://www.weeklynepal.com, २०६७ अषाढ २१ ,सोमबार 

Back to Top