महिलाको नाममा जग्गाको स्वामित्व बढ्दो

महिलाको नाममा जग्गा पास गर्दा २५ प्रतिशत राजस्व छुट दिने सरकारले नीति ल्याएपछि दाङमा महिलाहरूको नाममा जग्गा पास गराउनेको सङ्ख्यामा बृद्धि भएको जिल्ला मालपोत कार्यालय, दाङले जनाएको छ ।

 मालपोत कार्यालय, दाङका प्रमुख भरतकुमार बुढाथोकीका अनुसार चालु आर्थिक वर्षको हालसम्ममा जिल्लाका करिब आठ हजार महिलाले सो सुविधा लिएका छन् । प्रमुख बुढाथोकीका अनुसार सात हजार ८३८ जना महिलाले यो सुविधा लिई रु एक करोड ३३ लाख ७८ हजार ६७९ राजस्व छुट पाएका छन् ।

यसरी छुट पाउनेमा चारहजार १८ जना यहाँका ग्रामीणस्तरका महिला छन् भने तीनहजार ८२५ जना सहरी क्षेत्रका महिला रहेको जनाइएको छ । सहरी क्षेत्रका आठहजार १७७ जना महिलाले रु ९८ लाख २५ हजार ६९९ छुट पाएका छन् ।

त्यस्तै सरकारले जनआन्दोलन-२ का घाइते र सहिद परिवारका नाममा जग्गा पास गर्दा लाग्ने शुल्क पूरै मिनाहा गर्ने नीति ल्याए पनि दाङमा हालसम्म यो सेवा एकजनाले पनि नलिएको बताइएको छ ।

त्यस्तै अपाङ्ग, दलित, जनजाति समुदायका महिलाका नाममा जग्गा पास गर्दा पनि २५ प्रतिशत रजिस्ट्रेसन शुल्कमा छुट दिने प्रावधान भए पनि न्यून सङ्ख्यामा मात्र महिलाले सेवा लिएको जनाइएको छ ।

आˆनो नाममा जग्गा स्वामित्व आउने गरेपछि महिलामा आत्मविश्वास बढाउनेे सो कार्यालयमा जग्गा आˆनो नाममा पास गराउन आउनुभएकी तुल्सीपुर-५ की नीरा ढुङ्गानाले बताउनुभयो ।

उहाँ भन्नुहुन्छ- “मलाई आˆनो नाममा जग्गा राख्न पाउँदा धेरै हौसला मिलेको छ । यसले धेरै कुरा सिक्न समेत पाइँदो रहेछ ।”

स्रोत:  http://www.onlinekhabar.com, २०६७ अषाढ२१, सोमबार