काम चलाउका लागि १ सय १० अर्व २१ करोड रुपैयाँको बजेट प्रस्तुत

अर्थ मन्त्री सुरेन्द्र पाण्डेले संसदमा राजश्व र व्यय सम्वन्धी विषेश व्यवस्थाका लागि १ सय १० अर्व २१ करोड रुपैयाँको विधेयक पेश गरेका छन्। कामचलाउ सरकारका हैसियतले सरकारले यो बजेट ल्यएको हो।अन्तरिम संविधानको धारा ९६ अनुसार चालु बजेटको व्ययको एक तिहाई नबढ्ने गरी आगामी वर्षका लागि बजेट ल्याएका हुन्। पाण्डेले सरकारले चालु आर्थिक वर्षमा गरेका कामबारे जानकारी दिएका छन्। उनले सरकारले आगामी वर्षका लागि बनाएको बजेटको सोचबारे समेत जानकारी दिए। उनले सरकारको नीति तथा कार्यक्रम आएमा मात्र बजेट पूर्णरुपमा ल्याउन सकिने बताए। यसअघि प्रधान मन्त्री माधव कुमार नेपालले व्यवस्थापिका संसदमा बोलेका थिए। उनले आफ्नो राजीनामापछि पनि राजनीतिक अवस्था सुधार हुन नसकेको टिप्पणी गरेका छन्।